[ مختلف فكر , وشعور , وحنجره ] ديوآن جآر القمر : محمد السهلي ! ((1))

صباحكم \ مسائكم
جوري .. حبايب قلبي

اليوم سوف ننطلق مع شاعر استطاع أن يحلق بنا إلى عالم القوافي والأوزان .. كما استطاع ان يرسم لنا من واقع الكلمات أجمل الصور وأروعها هنا حيث قصائده التي عانقت حروفها صدق الاحساس وحسن التصوير والاتقان نقف وقد هالنا شموخ الكلمات ورقة المعاني
ونبحر معه وكأننا نحن من نظمنا الأبيات ...

انه الشاعر المبدع :-




هناك حيث قصائده قد لامست شغاف قلوبنا وحررت الآمنا من قيودها وانطلقنا معه وبه الى حيث الموسيقى الهادئه وحيث آلآهات الكامنه في تلك الصدور المتعبه ... انه شاعرا قد جعل من الكلمه والقلم طوع أمره ومن القرطاس مهدآ لفكره .. انه شاعر قد سابق الافكار وصاغ المعاني لتتجسد لنا في اطار جميل يفهمه الصغير قبل الكبير لايكون هذا الوصف لغير الشاعر

] محمد جارالله السهلي ]


اتمنى ان ينـآآل اعجـآبكم







,




بدآيه .. نبذهـ عن شاعرنا لبى قليبه





صور لأبنه جارالله الله يحفظه







اصدارته الشعريّه:
- ديوان مقروء ( أصعب سؤال ) - 2006


- ديوان صوتي ( مختلف ) - 2007

-ديوان مقروء ( قناعاتي ) - 2009











,

brb..

تـعـآل أغنيـلـك الـمـوآل وغيـآبـك
للشـوق ( بحـه ) تميـز نبـرة أشعـآري

زهبـت عـذري وردي لـ أبتـدى عتآبـك
كم لي أفكـر شقـول أن قلـت شالطـاري

بقـول مشتـآق للطعنـه مــن أهـدآبـك
ومشتـآق أكثـر لـ قولـة بآخـذ بثـآري !

وبقـول مليـت مـدري ملـنـي بـآبـك
من غبت دونه وقـف عمـري ومشـوآري

مغير أسولف لـه اللـي صـآر بـ أسبابـك
وأرمـي عليـه الشقـآ والهـم وأعـذآري

من غير لآ أدري أجي وأن قآل وش جآبك ؟
قمت أتسآقط علي مـن ( غيمـة أفكـاري )

ليـن أتبلـل ( ولـه ) وأطيّر أسرابـك
وتـروى عصآفيـر فرقآنـا مـن أنهـآري

وأرد ميـت عـطـش وأقـلـب كتـآبـك
وأقرى حكآيـة سـرآب ٍ عـذب أزهـاري

شفنـي ذبلـت وطفيـت وجيـت أبحيابـك
عمـري دفعتـه ثمـن دربـي ومسيـاري

أمـا تخلينـي أحـيـا فـيـك وأبقـآبـك
ولا تـأكـد وفـآتـي آخــر أخـبـاري

أبك أنت مـره طرآلـي أحـرق أعصابـك
طآوعت فكري عليك وجيـت لـك سـاري

فكـرت أبيعـك وأبعثـر بالمـدى أطيابـك
عقلي نواها وقلبـي قـال أنـا ( شـاري )

ورديت أحسك بصدري وأحسـب حسابـك
أنـي زرعتـك لقـآ وأبقطـف أثـمـاري

والـيـوم دام المـسـآ تــوه تغـنّآبـك
أقـررب مدآمـك لحـن تشتاقـه آوتـاري

أبعـزفـك للقصـيـد الـلـي تسمّآبـك
وأشب لـك داخـل بحـور الشعـر نـاري

وأسمّعـك مـا كتبتـه لـيـن ( ينتـابـك
غرور ) وأسمـع كـلام ٍ عـده أجبـاري

لآ صـرت أنـا والقلـم والدفتـر أحبابـك
يحـق لـك لـو تقـول أن الشعـر دآري

ما قلتهـا قصـدي أنـي أكسـب أعجابـك
لكنـي بـهـذي أدري ويــش مـقـدآري

الصعب جـذآب وأنـت الصعـب يزهآبـك
وأنا علـى الكايـده يـا عآشقـي ضـآري

وأن جآت للجـد لـه لـذه تـرى غيآبـك
شف ( بحة الشوق ) كيف تميّز آشعآري

يقول : ما تكتب غزل من مده ( ؟ ) .
واكتب بعد علامة استفهامه :

عشان يبقى الحب لازم تبقى :
تدور حول الحب في دوامه . !

نقطة بداية انتهاء العاشق :
تجاوز أحلامه .. فتاة أحلامه . !

وأنا .. فتاة أحلامي الورديّة
مني خذاها .. عقلها و أوهامه

العام .. عمرّنا قصر فرحتنا
واليوم .. ودعنّا ( بقايا حطامه )

ما عاد تغريني العيون النعسّ
والشفة اللي في طرفها .. شامه

و لا يهز القلب .. طول الفارع
إن كانها .. سفور و لا ّ لثامه

يهز قلبي خوفي من .. ذنوبي
لا حدثتني .. نفسي اللوامه

و تشد شعري .. محدثات الدنيا
و المجتمع و الظالم من أحكامه

و أثور في وجه الخطأ و سلاحي :
فصاحة الشاعر و نزف أقلامه

إنسان و أحافظ على إنسانيتي
ليا نصرت العالم المنضامه

ما حز في نفسي و كدر بالي
مثل ( البدون ) و حالته و آلامه

( مواطن ) . ولكن بليّــا .. موطن
( مقيم ) . لكن ما معاه .. اقامه

ترى انتماء الآدمي للـ منشأ
ما هوب لحروف الورق و اختامه . !

يا بلادي الحرة و أنا من أحرارك
أسهر غلاك الســـرمدي و آنامه

محد ٍ يساومني على حبي لك
لو كثروّا اهل المال و السوّامه

آعاتبك عتب خليل لـ خله
من منطلق حرصه و زود هيامه

كم واحدٍ مولود فوق ترابك
تحته عياله دافنين .. عظامه . ؟

و كم واحدٍ ضحّى بعمره دونك
في ساعة ٍ كنها قيام قيامه . ؟

وعاضته عن ( شهادة الجنسية ) .
( شهادة الواجب ) . لجل حكامه . !

عيال من ماتوا فداك عيالك
و أولى من ( الكومبارس ) و ( النهّامه ) . !

يا قبة المجلس و نبض الشارع
يخاطبك شاعر بجزل إلهامه

و عينه على الثلث الشريف الواعي
ما هي بـ على ( ثلثينك البصامه ) .

و شلون يحيى في بلاد العزة
رجل ٍ بصدره تستضيق آنسامه . ؟

الآدمي مقرون بأرض ٍ فيها
بداية كتاب العمر و ختامه

و ليا سلبته انتماءه لأرضه
كنك تنفذ فيه حكم إعدامه . !

يا مجلس انصف لي متى يا مجلس
تلعب بشعبك مثل لعب الدامه

آطالبك و أنا الحزين الضايق
من مستواك المنحدر وإسهامه . :

في زعزعة روح النسيج الواحد
في مجتمع مهزوز أصلاً .. دامه . :

نتــاج سخف و بهرجة مبنيّة . :
على التصنع و الريّا و آثامه

ترف مزيّف .. و اتكال .. و فوضى
( ثلاث ) . من خلفه و من قدامه

و شلون يقدر مجتمعنا الشرقي
يفرض رؤاه و يرفض استسلامه . ؟

و ثـــلاثة أربـاع الأسر .. تقريبا ً . :
في دبرة السوّاق و الخدامه . !

الإتـكاليّـة ( دمار ) الأمة
يا مهاجم الغرب و فساد إعلامه

عمر التقوقع ما يحقق نهضة
يخبرك بأسرار البحر من عامه

ما يبني التـــاريخ رجل مسالم
يبنيه من داس الخطر بـأقدامه . !

عنـدي قناعه و اعتبرها منـهج
يبصم لها عقل الذكي و إبهامه

كل شيّ في الدنيـا يضر و ينفـع
على حسب طريقة استخدامه . !

حتى الطمـــع ممكن يكون ايـجابي . !
تزداد به همة .. و يــرفع هامه

واكبر دليــــل إن الطمـع فالجنة
يحفـّـز المسلم يصـون إسلامه . !

يا كبر ذنب السـؤال .. ويـا ثقـل دم الاجابـه !!
لا انتهى حبك وصدرك مختنق بحروف ( ليه ) ؟

وقتها كن خافقك ( جالي ) وحزنك ( شيـخ لابـه )
اتصـدّد .. لكـن الدنيـا تحـدك .. تنتخـيـه ..!!

يـا رفيـق الهـم .. علمنـي اذا عينـي ربابـه .!
منهـو يسمـع نزفهـا لامـن نظرهـا ويحكيـه ؟؟

بسئلـك بالله قلـي : عـن شقـا الـدرب وسرابـه
كيف علقني بكذبة .. ( باكر اوصل وارتويـه ) !

لو فقلب الليـل رحمـه مـا فتـح للجفـن بابـه :
وعشمه في حب نجمه .. يدري انهـا مـا تبيـه !!

ولو يضيق الكـون بالطعنـات تلقـى بـي رحابـه
لا تعكر بال خنجر .. تركـض ظلوعـي تجيـه !!

لا يشيـل الهـم ( همـه ) دام تجمـعـه القـرابـه
في صدر شاااعر يعـده : واحـدٍ منـه و فيـه .!

له علي .. دامـه يبينـي مـا اخونـه فـي غيابـه
كان ما جالي اجي لـه .. يحتوينـي واحتويـه .!

ولي عليه .. انه مـا ينسانـي ويصفطلـي عذابـه
ولا يعرضني لضحكٍ صدق مـا عـاد اشتهيـه .!

اقسى من حزني وهمي الفـرح حضـرة جنابـه !!
لا طرى ما يطري الا .. منهـو عرفنـي عليـه .!

ذاك مـن يحكـي علـى عينـي وتقنـع باغترابـه
لجل تعتق صورةٍ فينـي سجنـت كـل الوجيـه ؟!

غايتي ( فرح الحـزن ) لا ينكسـر بالقلـب نابـه
وخوفي لا ( حزن الفرح ) يخنق لي انفاسي بيديه !!

من ورى قلبي رسمتـك غيـم يحكـي بـوح غابـه
كـل غصـنٍ منحنـي فيهـا يمدلـه راحتـيـه .؟

هاك صـدري شـوف بعيونـك متاهـات الغلابـه
فـي شـوارع هالحنايـا كـم متشـرد نـزيـه ؟

لا قبل عطف السنين .. ولا رضـى بسلـم الذيابـه
ما سئل كود الاماني .. يـا الامانـي جاوبيـه .!

ويش اقول وويش أخلـي .. والبـلاوي مـا تشابـه
غير لا قالت في قلبـي لا حشـى مالـي شبيـه !!

ليت في وجه الزمن ( ذرة حيا ) واحسب احسابـه
احشمه لجل يحشمنـي .. دون شـي ٍ أحتريـه .!

وليت شعري مـا يخيّـب هقـوة اللـي قـد هقابـه
لا تولّـج هاليميـن وصحـت فيهـااا اكتبيـه .!

وليـت دربـي لا نثنـت رجلـي يقدرنـي ترابـه
كان وربي ما احاتي قولت : ( ازرى ينتهيـه ) .!

بعدهـا بذيّـل اسمـي بآخـر دمــوع الكتـابـه
دام كل بيـت بقصيـدي شـال دمعـة مـا يليـه !!

هذا انا يـا صاحبـي حلمـي الاقـي لـي اجابـه
لا انفجر صدري وضاقت دنيتي بحروف ( ليه ) !!

بينـي وبيـن الشـقـا ســلام رديّــه
يفتـل جروحـي وانـا انقضهـا بموالـي

عيّدبـي الهـم واثـر الـدمـع عيـديّـه
ولانـي بذاخـره دام عيونـي عيـالـي

يا عيـن هلّـي دموعـك كـل عصريّـه
وان لمتك فيوم قولي : ( مالـك ومالـي )

محتـاج طـاروق لـه معنـى وقافـيّـه
واستبشـري خيـر ! والشعـر يتهيّالـي

القـدح مـن فكـري وفالـراس جنـيّـه
وان حضّرت بي كتبت العالي .. العالـي

ما شلتها عرضـه ! ولا هـي هجينيّـه !
غنّيتهـا مـدري الـطـاروق غنّـالـي

بـس الوكـاد إنهـا : قصّـه غرامـيّـه
ابطالهـا هـمـي وغـمـي وغربـالـي

وان قالـوا النـاس : ذا طبـع الهواويّـه
قلت : استوى عنـدي التريـاق والحالـي

العشـق بلـوى ونفسـي فـيـه مبلـيّـه
خلونـي اكتـب وافضفـض لا تفضالـي

المسألـه أكبـر مـن احــلام ورديّــه
الحزن لا مـن لفـا جيتـه علـى فالـي

حزني واعرفه واعـرف ابسـط مواريّـه
ولاني لحالي كثير اللي عـرف حالـي !

يا وجـد حالـي وجـود اللـي هقاويّـه
خانتـه باغلـى رفيـق ولا لقـى والـي

وياوجـد حالـي وجـود اللـي بناخيّـه
عن عسر حاله وضيقه دالـه وسالـي !!

فـي غيبـة اللـي تـمـادى بالانانـيّـه
وخلاني بوجـه حزنـي واقـف لحالـي

يا موّسـع الضيـق لامـن مـر طاريّـه
كن الوسيعه تضيق ان مر فـي بالـي !!

وين انـت ؟ ياللـي غيابـك مثـر ٍ فيّـه
غايب !! واحسك معي !! واشوفك قبالي !!

طيفـك ليـا مـر حاجـه لا إراديّــه !
اتبع سرابـه واجيـه اسابـق ظلالـي ..

ياللـي مـن حروفـك تغـار الرومنسيّـه
والله قبـل لا افقـدك فاقـدك جوّالـي !!

في ( بحّتك ) شي ؟! يشبه حزن مرثيّه !!
ومن غاب صوتك وانا اللي صدق يرثالـي

وعيونـك السـود إعـجـاز وخيالـيّـه
نادر شبههـا مثـل مـا تنـدر خصالـي

ونظرتـك تهـدم كيانـي بكـل عفـويّـه
سلهم وشف كيـف يبـدى فـي ّ زلزالـي

وعودك ليـا مـال يـا المتـرف بحنيّـه
قمـت اتعـزوى واطـوّح لجلـه عقالـي

وقلبـي علـى ظمّتـك يسـابـق يـديّـه
ويردني طيـب ابـوي ومرجلـة خالـي

تكـفـون يالـلـي تمـرونـه علانـيّـه
قولوا له : الموت لامن غـاب يبرالـي !

وقولوا له : ان غيبته مـا هيـب عاديّـه
وخلوه يرجـع يشـوف بعينـه احوالـي

وقولوا لـه : انـه ذبحنـي لعنبـوا حيّـه
ما يرحم الشوق غالي ينتظـر غالـي !!

وقولوا لـه : ان صـد والصـده نهائيّـه
اشوالي آصـد !! لا والله وش اشولـي !!

حيل الله اقـوى عساهـا روحـه بجيّـه
وعسـاه مـا يبطـي ويرجـع ويسعالـي

وقولوا له : الله حسيبـه كـان لـه نيّـه
ما عاد يرجع لـي وقولـوا لـه التالـي :

حرام كلّي ( ظمـا ) وايديـه ( وسميّـه )
وحرام ( مالي أمل ) مدامه ( آمالي ) . !

يا الغايب اللي غابت سنينـي معـاك
يا جعل ما جاني من الفرقـا يجيـك

استغفر الله !! جعل ماجانـي فـداك
حتى لو ان نهايتي .. على يدييـك !

مسامحك .. واللي بقوله في قفـاك
خيرك كثير .. ويرحـم الله والديـك

ماصار شي ابلا رضاي الا رضاك
اللي ماهو فيني وابيه القـاه فيـك !

كنت السما في عيني وعيني سمـاك
كانت حياتـي كلهـا منـك واليـك

كنت بيديني مير مدري مـن خـذاك
حسبي على تقصيري وحسبي عليك

علمتني.. وش الحياه مـن الهـلاك
في موادعك هذا وفي جيّتـك ذيـك

ياكيف ابلقى شخص يسواني سـواك
كل مانويت انهيك في شخص ابتديك!

أبـدى أقـارن مستـواه بمستـواك
واخاف لاتزعل وابيعـه واشتريـك

والمشكله : رغم محبتـك وغـلاك
واني رغم كل شيّ مشتـاق وابيـك

ما هوب من حقي يضايقنـي جفـاك
ولااعشقك ولاالمحك ولااحتريـك!!

لكن ما يخفانـي ولا اظـن يخفـاك
حقي عليك .. انّك تطمنّي عليـك!!

لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا

خلـك علـى خبـري وظنـي وهقـواتـي
خابرنـي الضيـق والضيقـات خابـرهـا

وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا

تقول : حـب البشـر طـوّق مساراتـي ؟
ابـك انـت حبـك مساراتـي يسيّرهـا !!

ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا

لا يـا بعـد شهرتـي واعظـم نجاحاتـي
وكل القصايد مـن ابسطهـا ليـا اشهرهـا

ولا يـا بعـد مـن يـدوّر لانكسـاراتـي
شعّار سبب وجـودي ضيـق خاطرهـا !!

انت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها

يـا اوّل وآخـر قصيـدي وآروّع ابيـاتـي
محـدٍ يحـب القصايـد كثـر شاعرهـا !!

مـا فـاق حبـي لـك الا حبـي لـذاتـي
يعنـي احبـك محبّـه مــا اتصـوّرهـا

يا اصدق من النشـوه اللـي فـي بداياتـي
لا قلت لي كـم بيـت .. وقالـوا انشرهـا

واغلى مـن الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا

وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا

واطهـر حكايـة محبّـه فـي حكايـاتـي
مـن قبـل لا عيشهـا حسّيتـك اطهرهـا

لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا

ولا تضـايـق لـيـا كـثّـرت جيّـاتـي
ضيّعـت فيـك السنيـن وجيـت ادوّرهـا

تـعـال رتبـنـي ورتــب حسابـاتـي
او تدري شلـون ؟! رتبنـي و بعثرهـا !!

مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا

اكبـر عيوبـي : بديتـك مـن نهايـاتـي
واكبر عيوبك : لقيـت اوّلـك بآخرهـا !!

يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!

مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخـرهـا

رجعنـي لوقتـي او رجعـلـي اوقـاتـي
عاميـن تنطرنـي .. وعاميـن ناطـرهـا

وتقـبـل الــود والشـكـر وتحـيـاتـي
يـا ساكـن الـروح والـروح ومشاعرهـا

وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا

لـو ان غيـري معـاك يسـوي سـواتـي
قلت : انت نعمه وهـو عاجـز يقدّرهـا !!




___
هذآآ نقطه فقط من بحر أبدآعه ..


آتمنى أن تروق لكم


دمتم بخير