ووصلنا للمسجد الكريم.. وكان مليااان، والأمن مانعين أحد يدخل يقولون خلاص امتلى > ممكن عشانه مليان من الأميرات وطبعاً اللي برا كان مفروش بسجاجـــيد ومليان من الناس، فجلسنا معهم..
وجلسنا شوي.... الناس ينتظرون يبدأ التهجد الأخير كانوا اللي يقرأ قرآن والله يصلي واللي... الله يخلف جالس يخطط
يخطط لإيش..؟!
أنا أعلمكم.. كان سوبرماركت الـيورومارشيه) قريب من هنا وذاك الوقت - قبل عشر سنوات تقريباً- ماكانت محلات السوبر ماركت الكبيرة منتشرة بكل مكان زي الحين كانت قليلة وكنا نشتاااااق لها
وتقوم الحمد لله وأمسكها بقوة ونرررررررررركض ررررررركض وهم حسسبي الله ما يأسوا يقنعون بالكلام انه ما فيه شي وووووو
أخيراً بفضل الله ورحمته وصلنا الشارع اللي فيه إشارة يعني عَـ الأقل لو نصارخ ممكن فيه أحد يسمع
والله فرحتنا بذاك الشااارع لاااتوصف فرررررج
ونمشي، ونلف، ونقطع شارع
والحمد لله وصلناااااااا يوم وصلنا لقيناهم بيصلووون الوتر! يعني الركعة الأخيرة!!!!!!! يعني على طول صلاة هالإماااام يااالله لحقنا حنا على الوتر!
وأدخل بالصلااااااااااااة وأنا ما أصدق وأشوف أختي ما شاء الله واقفة تصلي معهم....
ويبدأ الامام بالدعاء يحمد الله ويثني عليه وأنااا أصيييييييح من جد استشعرت معاني الحمد وأسسستغفر ربي
ورجعنا وحنا محمرة وجيهنا يحسبوونه من الخشووع وطول الصلاة
صحيح كتمممنا الساالفة لكن كنت مستحية من ربي كيف حفظنا و فرج لنا
أتخيل لو أخذونا بسيااااارتهم ............ شعور فوق الوصف
أقلّها لو ربي حفظنا من شرهم؛ بس جت الهيئة وحنا واياهم في هالمكان،، وأخذووونا حنا وايااهم عندهم واتصلوا على أهلنااااا...... آآه ياقلبي مساكين وش ذنبهم نطلعهم من المساجد على الهيئــــــــ!!!!ـــــــة...
بعدها بفترة ما صرت أفكر كذا
لا، صرت أفكر.. ليش أختي في تلك اللحظات الثمينة العظيمة عند الله،، كانت واقفة بين يديه.. وأنا لا؟! يعني أنا هيّنة على ربي إلى هالدرجة؟! وإلّا .أنا اللي ما قدّرت ربي حق قدره؟
ليه تلك الليلة العظيييمة اللي ممكن تكون ليلة القدر.. اللي أفضل من ألف شهر، اللي ترفعنا عند الله كثييير وتقربناااا منه،، ضاعت علي؟؟!!
ليه غيري استغلووها وأنا راحت كذا؟!
الله يَسَّر لنا دروووب الخير وسهَّلها علينا، وعشان أعمااارنا قصيرة - حنا أمة محمد- وما يمدينا نجمع حسنااات كثيرة زي الأقوااام الأخرى اللي كانت أعماارهم طويلة -عمر الشخص ألف سنة وأكثر- وكان يمديهم يجمعون أضعاااف أضعااااف حسناااتنا عشان كذا ربي عوضنا وعطانا فرصة عظييييمة وكبييييرة
عطانا ليلة القدر..! ليلة القدر اللي أفضل من ألف شهر
يعني لو جلسنا ذيك الليلة نتعبد.. نصلي ونقرأ قرآن وندعي،، فإن ربي بيكتبها لنا وكأننا متعبدين ألف شهر! وأفضل بعد!!
تخيلي إذا كانت اليلة الوحدة عن ألف شهر.. معناها بتكون عن 30،000 يوم !!! 1000 شهر x 30 يوم = 30،000 وعلى اعتبار ان ليالي رمضان هالسنة قصيرة (10) ساعات فإن الساعة الوحدة بتكون عن 3000 يوم !!!! ياللـــه كيف نضيع دقيقة وحدة وهي عن 50 يوم ؟؟؟؟
كيف نقابل نعمة الله الكبيرة وفضله بالجحووود والنكراان؟
يعني حتى الأوقات اللي ننتظر فيها الأكل مثلاً أو متوجهين فيها لدورة المياه.. نذكر الله فيها! وش بنخسر؟
بضرب الآن مثل -ولله المثل الأعلى- لو مدير قال للموظفين فيه يوم بالسنة اللي بيداوم فيه بيحسب له فيه راتب شهر كامل.. يعني كأنه اشتغل شهر كاامل مو يوم واحد وش تتوقعون الموظفين بيسوون؟ اكيد ما راح يتغيبون ذيك السنة كلها عشان يوافقون ذاك اليوم أجل كيف لو حدد لهم الشهر وكيف لو حدد لهم عشرة أيااام من هالشهر!!
طيب على فرض واحد من الموظفين بعد ما حدد لهم المدير الشهر وحدد العشرة ايام لا، وما قال إن اليوم عن شهر .. قال عن 1000 شهر ومع كل هذا طنش الموظف.. وما داوم أو داوم بعض الايام وترك بعضها... وش بنقووووول عليه؟؟
اللي بنقوله عليه هو اللي نقوله على أنفسنا وحنا نهمل الليلة العظيمة الغااااالية .. ليلة القــــــدر
وأكثر من كذا؛
هذي الليلة أجرها باااقي لنا إلى الأبد أما راتب الدنيا ناخذه اليوم ويروح بكرا نفرح فيه شوي،، وفرحتنا حتماً بتنتهي
وبتنتهي دنيانا وتبدأ حياااتنا الأبدية اللي مالها نهاية وهي اللي لاااازم نهتمّ ونجهز لها من الآن... عشان نفرح فرحة تدووووم وما تنتهي وما يعكر صفوها وفرحتها حزن ولا فراق ولا مرض
هي ليلة وحدة ضمن عشرة أيام لكن ما أحد يقدر يجزم هي ليلة 21 او 22 او23 او24 او25او 26او 27او 28او او29او 30 فعشان كذا لاازم نجتهد كلل هالليالي
وأيضا.. رمضاان كله شهر خير وعباادة وربي اختصه كله بالعبادة واختص العشر الأواخر منه بزيادة عبادة
وسبحان الله.. اللي يهتم فيه من البداية يعينه الله وييسر له قيام آخره لأن الحسنة تنادي أختها أختي أختي.. والسيئة تنادي أختها أختي أختي.. يعني الحسنة تأتِ بحسنة أخرى والسيئة تأتِ بسيئة أخرى
أتوقع الحين عرفتوا من الضيف اللي بيزورني أنا.. وبيزوركم كلكم إن الله أعطانا عُمر!
وبقولكم انه مثله مثل غيره من الضيوف ..بل أكثر لاازم نستعد له من الآن ونتشجع ونتشوق له ونجهز الأشياء اللي تعيننا على العباادة وتسهلها علينا ونرتب أنفسنا، وطريقة قرائتنا وصلاتنا
وما نتحمس في أوله بعدين نفتر في آخره.. لا، المفروض نرّتب بحيث تكون القراءة والصلاة والذكر والدعاء في آخره أكثر منها في أوّله.
لازم ننوي النية الصالحة من الآآآآآن عشان ربي يعلم صدقنا.. ويرحمنا.. ويسهل علينا.. وييسر لنا
وعشان لو لا قدر الله ما قدرنا نصومه ونقومه؛ يكون ربي كتب لنا الأجر بنيّتنا اللي بيّتناها!
ومن الآن نعزم إن رمضان مو وقت للمسلسلات والتفاهات ما أتكلم عن المسلسلات السيئة والقنوات الهابطة
انا أتكلم عن القنوات الاسلامية.. اللي وإن كان فيها نفع إلا انه مو وقتها برمضاان! كيف نضيع أوقات رمضان الغااااااالية بتفااهات ! كيف أطلق لبصري العنان يسبح في هالقنوات من رجّال لرجّااال؟ ما قال لنا الله "وقل للمؤمنات يغضضن من أبصارهن"؟؟؟
إذا ما غضيناها في رمضاان متى بنغضهااا؟؟ خاااصة بالعشر الأواااخر تدروون إن غضّ البصر من أكثر الأشياء اللي تطيّب القلب وتزكيه وتبثّ فيه الخشوع والطمأنينة والراااحة؟!
أكرر دايم فكِّري إذا شفتي أو سمعتي عن وحدة تصلي وتتعبد قولي ليه فلانة الآن واقفة بين يدي الله تناجيه ويسمعها،، وتدعووه ويجيبها،، والملائكة عن يمينها يسجلون حسناتها،، وأنا لا؟!
ليه.. أنا منزلتي إلى هالدرجة وضيعة ونازلة؟
ليه ما أنافسها وأتقرب لربي.. ؟!
والحمد لله ما راح نخسر شيء.. الوناااسة لها وقتها... ووقت طويييل بعد لكن حبكت أخليها كلها في رمضاان
يعني أعداء الدين يلعبون علينا ويخلون البرامج كلها في رمضان..وحنا تمشي علينا اللعبة!! والقنوات الاسلامية يكثفون برامجهم بعَد -عشان يسوُّون لـجُهّال الناس بديل عن البرامج الهابطة- وحنا اللي نرووح نتابعها!!؟
مين صَفَى وبقى من الناس اللي يستاااهل شهر رمضااان،، ويفهم ويدرك معناااه؟؟؟
إذا كان رسول الله صلى الله عليه وسلم اللي غفر الله له ماتقدم وما تأخر وصحابته المبشرين بالجنات والصالحين في كل مكان وزمااان هم اللي يهتمون في رمضان ويستغلوون أيامه وساعاته
يعني حنا أفضل منهم ومستغنين ومو محتاجين من ربي شيء ؟؟؟!!!
لكــــن خلونا نقطع على أنفسنا عهد ونقوووول: رمضان هالسنة غيييييير رمضان هالسنة بيكووووون رمضااااان!!
وندعي ربي من الآن إنه يوفقنا لصيااامه وقياامه على الوجه اللي يرضيه عنا
الله يعينا وإياااكم على كل خييير وييسر لنا ولكم سبل الهداية والتوفيق
طبعاً بعد إذن مشرفاتنا الغاليات ومناسبة الموضوع للقسم؛ لكن لأن فيه شريحة من البنات الغاليات.. من البيت للمسجد ومن المسجد للــ.. أقصد من البيت للترفيهي ومن الترفيهي للبيت فـودنا توصل لهم هالرسالة البسيطة والله يوفق الجميع؛