موضوع: كلام في الصميم الإثنين يوليو 18, 2011 1:35 am
بسم الله الرحمن الرحيم كيف الحال ياحلوات ببداء على طول للاسف فيه بعض الامهات قلت بعض تكون سبب بتحطيم ثقة البنت بنفسها واي عيب بالبنت تكبره ويكون نقطة ظعفها وذلك بانتقادها قدام الناس اوحتى قدام ابوها سواء كانت صغيرة او كبيرة وهذا الشئ انا شفته بالناس المحيطة فيني من جيران او اقارب اوحتى معارف نصيحة من مجربة اذا تبين بنتك واثقة من نفسها وعندها اعتزاز بروحها امدحيها وبأستمرار قدام ابوها قدام خوالها وعمانها وقدام الضيوف مثلا وهذا انا مجربته بنتك ماترتب غرفتها خليها تسمعك وانتي تكلمين اختك وانتي تمدحين فيها وفلانة بنت ذوق وتسمع الكلام ومريحتني تصدقين غرفتها هي اللي ترتبها البنت تلقئ بترتب غرفتها وبدون ماتطلبين المدح المدح المدح وليس بالاخلاق فقط بل المدح بخلقتها انتي احلا بنت الكل يقولي ياحلو بنتك وش تخسرين ارفعي من معنوياتها وحسسيها بجمالها الاخاذ من عمر 2الى الابد امدحيها انتي امها ليه اللبنانيات دائما عندهم ثقة بأنفسهم وطبعا هذي ميزة حلوة بالام اللبنانيةوعندنا الحمد لله امهات كذا بس للاسف فيه النقيض والمشكلة لما تنصحينها تقولك انا اعرف اربي بنتي فكتبت هالموضوع عالشان محدش يزعل اللي تشوف بنفسها هالصفات تتركها للابد وبدون زعل كلكم حبايبي ومابغا وحدة تزعل والموضوع لمصلحت بناتنا نشوف النماذج السيئة 1-البنت سمينة الام اللبنانية ياقلبي عليكي شو ملزلزة وخدودك بتاخد العقل عندنا وقلت البعض لاتعصبون تعالي يالدبية ذبحتيني يادبة ابليس مالقيت بنطلون مقاسك قممممممممممممة التحطيم طفلة عمرها خمس سنوات ويقال لها زي هالكلام البنت بالعكس يزيد اكلها وتسمن زيادة وش تخسرين اذا قلتيلها يالله حلو جسمك حبيبتي الظاهر جبت بنطلون مقاسه صغير وساعديه ..هالاسبوع انا وانتي بنتعشى فاكهة عالشان بشرتنا تصير حلوة ولاتجيبين سيرة السمنة وسوي حركة انا مطبقتها مع بنتي 6سنوات الله يحفظها قلت لها وش رايك انا احيانا انسى نفسي وانا اكل ابغاكي تغمزين لي اذا طولت بالاكل قالت بنتي وانتي ياماما اغمزيلي اذا طولت بالاكل وبكذا ماتاكل كثير وبدون تحطيم. 2- البنت سمراء الام اللبنانية تقبرني شو هاللون البرونزي بيجننن وعندنا تعالي يالعبدة تعالي اليفك فشلتينا سودا مثل الليل ليه كذا حرام ولاتقولون مافيه فيه حرام بنتك تقتلين كل شئ حلو فيها والموت لما تقولها قدام ناس او ابوها وانا اكرر اب البنت اهم شئ عندها لازم تمدحينها عنده بدل تهزيئها علميها من صغرها انك تزيتينها وتليفينها كويس وهي بتتعلم بدون تهزئ لونها هذا من ربي مو منها لاتخلينه نقطة ظعفها بكرى لما تروح المدرسة بيحسون البنت بضعفها عند هالنقطة ويبداءون يتريقون فيها ويعايرونها موقف صار قدامي طفلة بيضاء تهاوشت مع طفلة سمرا وقالت لها يالعبدةوش ردة البنت لان امها عرفت تحميها احسن منك انا لوني برازيلي يا شهبى. يتبع
3-البنت شعرها اجعد الام اللبنانية يئ..يئ..يئ شوحلو شعرك المموج بياخد العقل عندنا والله الهادي تعالي يأم شوشة وقدام الحريم ذبحني شعر هالبنت فلافل عبد وش اسوي فيه والبنت تسمع والحريم يعطونها حلول والبنت تتكوم على نفسها وتعفط اصابيعها وبعدين تحط اصبعها بفمها واللي يقهر ياحرمة حرام بنتك لوسمحتي انا اعرف اربي بنتي اللهم عافنا مما ابتليتهم به الاطفال نعمة من ربي وأمانة وبالذات البنوتات الحلوات مافيه بنت شينة كل البنات حلوات بس حسب الام فيه ام تقتل الجمال الداخلي والخارجي ليه مايكون العكس الشعر الاجعد موضة وحلو كثير عالبنوتات الصغار ارفعي الخصل اللي على عيونها بشباصات وبس وبتطلع روعة بنتي شعرها مو اجعد والفه لهاكله بالمكر الطويل بسم الله عليها تطلع جنان والكل يسأل وين سويته لها بدل هالتحطيم علميها كيف تعتني بنفسها ومن الصغر علميها كيف تكرم جسدها وتهتم فيها حسسيهابجمالها وادبها ورقتها وان الناس منبهرة منها وش تخسرين بنتك جزء منك اذا هي سيئة الاخلاق فأنتي كذالك واذا هي قبيحة فأنتي كذالك
طبعا فيه نماذج كثيرة لكن اعتقد اللي كتبته كافي للي تبي تتغير ولاانسى اطبع قبلة على رأس امراءة سعودية مستوى تعليمها ابتدائي!!! اول زيارة لي لم تحضر اطفالها ولما سألتها عنهم قالتلي عندي بنت معاقة وابغي يكون عندك وعند اولادك فكرة عن اعاقتها ومابغى احد يحرج بنتي او يجرحها عطتني فكرة عن بنتها يدينها ورجولها صغار مرة فهمت اولادي ورحنا لزيارتهم جت بنت عمرها 10سنوات سليمة جدا من الداخل جلست تسولف معي مع اني غريبة اول مرة تشوفني البنت واثقة من نفسها تشرحلي كيف تعرف تكتب برجولها وامها معطتها الحرية ولما جاء العشاء تعشت بدون ماتحس انها ناقصة فكيف اللي ربي اكرمها ربي ببنت سليمة ولكن امها تسبب لها اعاقة نفسية والله الهادي وسامحوني على الاطالة
موضوع: رد: كلام في الصميم الإثنين يوليو 18, 2011 1:56 am
كــــــــــــــــــلام صــــحـــيــح 100%
اقف مكتووف الايدي ,,,,لا يسعني الا انا اشكرك على الموضوع الرائع والمميز ..
( فديت السمر ) والله>>يالبى قلوبهم
لےُـو لےُـو المراقبين
المشـآركـآت : 1677تاريخ التسجيل : 28/10/2010
موضوع: رد: كلام في الصميم الإثنين يوليو 18, 2011 3:22 am
يعطيك الف عافيه ع المرور
تقوى الهجر الإداره
رقم العضويه : 1المشـآركـآت : 1816تاريخ التسجيل : 28/10/2010
موضوع: رد: كلام في الصميم الإثنين يوليو 18, 2011 9:47 pm
يعطيكـ الف عـآآفيه يالغلاآ..
الموضوع مضموونه رآآئع وكلامها جميل و وآقعي فيه امهات بس يحطموون ببناتهم .. وتدوور اي شيء تحطم بنتها فيه .. ويقهرني التحطيم والمقارنه (( فلانه سنعه ماشاء الله عليها موب مثلك نووم واكل ,, فلانه ذكيه ودرجاتها تبيض الوجه موب انتم يالله السلامه )) .. فيه امهات كذا .. وفيه العكس ..
((تعلييق اخير ))
كلام الاخت الفاضله بالموضوع بينت اللبنانيات انهم احسن امهات واحسن مربيات .. تمدحهم وهم مايستاهلون من رأيي لبى السعوديات وتربيتهم صحيح فيه من يحطم بس اعتقد ان الغالب الثقه تب التب بسبب المجتمع والبيئه اللي تعيش فيها .. << يالبى اميمتي بسس
موضوع: كلام في الصميم 
الإثنين يوليو 18, 2011 1:35 am
لبى السعوديات وتربيتهم صحيح فيه من يحطم بس اعتقد ان الغالب الثقه تب التب بسبب المجتمع والبيئه اللي تعيش فيها ..
